酸甜排骨

 

 我覺得酸甜排骨除咗要夠脆外，一定要夠酸夠甜才好食，所以除咗要注意油温外，仲要調一個合適酸甜汁。

 

酸甜排骨

 

 

材料：腩排、 青、紅椒、 菠蘿、 洋葱 、蒜蓉。

醃料：生抽 、糖

酸甜汁料：白醋2湯匙、喼汁１湯匙、茄汁３湯匙、砂糖４至５茶匙，將汁料放碗飯內；

                    加水至飯碗九成滿。

 

煑酸甜汁：

燒熱少許油，加入少許蒜茸爆香加入調好汁料煑滾後埋芡備用。

 

做法：

 

1.將腩排洗淨抹乾放入醃料。

    2.醃好後的排骨把多出來的醃料倒掉。

    3.用蛋白加入醃好排骨拌勻；取出排骨。

    4.取出後的排骨放入膠袋加入自發粉或生粉內搖勻直至每個排骨都沾上粉。

    5.燒熟油，慢慢放入排骨；將火轉至中火炸至排骨金黃色盛起。

    6.燒熱油鑊下少許油；放入蒜蓉、青、紅椒炒一炒加入炸好排骨、灒酒於鑊邊熄火，再加入菠蘿跟酸甜汁快兜即可。

 

     註：

1.      今次同上次做法一樣只是用上自發粉而並非生粉，炸好排骨表面較脆，

      所以加入酸甜汁快炒效果會更好。

2.而在鑊邊灒酒；主要是另到做出來酸甜排骨更能增潻一份酒香味。

3.而另一樣就是選擇用菠蘿我會選用( SW ) 呢款菠蘿無地捫咁甜、所以當配上酸甜汁時就無咁搶味，我覺得唔差，不妨一試。

 

 

 

 

 

 

 

 

 

 

 

 

 

 

 

 

 

 

 

 

廣西玉林夏至荔枝狗肉節！

收到朋友訊息，2014 06.21. 廣西玉林夏至荔枝狗肉節！
我希望多些人能正视有關狗肉節問題。狗對一些人來講不單是朋友，有些更視為自己兒女看待，喺現今講文明世界；怎可只講不做！現今美食多不勝數，食少幾樣又如何？
再講有一些所謂自己 放養，自已有場養貓、狗；究竟佢哋食嘅又係怎樣食物？
記得有一年跟朋友返中國，係街市見到一籠籠貓、狗放養在連轉身也難小籠，身邊放有一碗發酸臭食物，我見到，除此感到難過、心酸外，更感覺到呢Ｄ人真係好無人性，你要將佢成為刀下檢錢材料，何不善待佢最後一時三刻！更甚單為蠅頭之利不適損害人健康，而撿取到盡！唉可悲。
(好此道嘅人，你哋又是否應該反思一下，過去幾多人因為食野味而失去生命？)
為咗小小所謂口福值得嗎？(希望大家支持一下，呼吁停止這不人道，不文明食法)
放下屠刀，立地成佛。你可以不愛貓、狗，但請不要傷害牠。

 

薑味照燒雞翼

 

 

 

 

 

 

 

 

 

 

 

 

 

先前買咗一支照燒汁用來炒油麵超正呀，但用剩咗，想炒多一次又唔夠，

放埋一面先又唔想，所以決定用來做個照燒雞翼；呢個醬汁原本已經好好味，

但用來醃雞翼我略覺又有所不足，因此我稍加多一點點就做岀呢款雞翼。

好簡單但好美味，尤其是雞蘸上汁醬、加埋炸過薑絲一齊食，妳會食到薑嘅香味而不是辣味。

 

薑味照燒雞翼

 

材料：

雞翼一磅、薑片切幼絲適量、薑汁2茶匙、蒜子二粒。

 

調味：

照燒汁3湯匙、砂糖2茶匙、味醂1湯匙、薑汁約2茶匙。

(醃過雞汁料留起) 用作收汁。

 

做法：

1.   將雞翼洗淨抺乾水份加入調味料最好醃一晚，最少8小時。

2.   蒜子切片備用。

3.   薑絲放入熱油略炸盛起備用。

4.   燒熱易鍋下少許油，放入雞翼表皮向下煎至金黃，再反轉另一面煎；此時加入預先切好蒜片一起煎香，再加入醃過雞醬汁一同煮至收汁即可。

5.   將雞翼上碟，再放上炸好薑絲即可。

摩洛哥式煑羊肉:

 

 

 

 

 

 

 

 

 

 

 

 

 

先前買羊腩來炆，見到羊腩有一些部位是較廋，用來炆羊腩煲未必好食

所以我心念一轉，就將較廋部分用來做另一個菜式。

 

摩洛哥式煑羊肉:

材料:

羊肉7oo克

甘筍1條

杏脯肉適量约10至12粒

鲜百里香 適量

 

料頭:
蒜頭3瓣頭 (切碎)

乾葱頭1颗 切碎)

紅酒250 ml

茄膏2湯匙

孜然粉1茶匙

芫荽籽1茶匙 (壓碎)

小豆蒄3粒 (略壓開)

紅椒粉半茶匙，喜歡辣可加多一點

月桂葉2g

肉桂枝1枝约3g

水或雞湯適量

做法:
將羊肉以鹽和黑胡椒調味醃2小時

甘筍切滾刀。

杏脯肉略浸備用。
預熱平底鑊，加1湯匙橄欖油, 將羊肉煎兩面。

轉鍋中加入切碎蒜頭、乾葱頭略爆，放回煎好羊肉加入餘下料頭、紅酒、所有香料、紅酒若不足夠蓋過羊肉可加入少許水或雞湯直至剛好蓋過肉為止，煑滾轉慢火多去炆。

预熱平底鑊, 轉中火把甘筍加入茄膏略爆備用。

當羊肉炆煑至八九成軟腍可加入甘筍同杏脯肉同炆。

當炆好後，取出羊肉、甘筍、杏脯肉、所剩汁料過濾好，放回羊肉中，最後以鲜百里香點綴即可。 

註：

我今次用來配意粉同食，感覺好好，當刀义在羊肉上輕輕一弄就能取出嫩滑多汁肉，在切杏脯肉時，內裡是軟綿綿的，這款餸酸酸甜甜，有小小香料味同時有少許微辣，不會給予人油膩感覺，真係一個好菜式。

 

 

 

 

 

•  

 

西芹炒龍躉

西芹炒龍躉

 

 

我住個區開咗一間晚飯以龍躉為主打店舖，

每次去飲茶，到見都以龍躉惟菜式相片貼晒出來煎、炆、燉、煲、煑、炸乜都有，見到咁靚菜式，我當然唔放過，一於跟著去做。今次以最簡單、快捷、又唔傷腦筋方法去做，試下做出來效果，咁下次就可以放心用較佳食材去做喇。
 

材料：龍躉10両、西芹

醃魚料：雞粉、糖、盬各少許作底味

料頭：薑片、葱段、蒜茸、長紅椒絲

做法：龍躉泡嫩油盛起，

燒熱油加入薑片、蒜茸、西芹快炒加入泡油龍躉再加上湯、灒酒、埋薄芡。

生煎金蠔

生煎金蠔

 

 

 

 

 

 

 

 

 

 

 

 

 

 

 

材料：金蠔6隻

 

汁料：喼汁2茶匙、生抽2茶匙、老抽1茶匙、砂糖2茶匙、

水約1湯匙(可加可不加)。

 

做法：將金蠔洗淨抹乾、拍上少許粟粉、放鑊去煎两面至金黃色，

(用筷子按壓一下還是軟身不要煎至硬)。

將汁料拌勻倒進金蠔中快兜即可。

 

 

註：買金蠔要選擇唔好咁硬身，最好是帶有微黃，摸落手還是軟身果种，

早前去西貢，見到有蠔賣、問佢又冇金蠔、佢話有、見佢拿出來的金蠔是串起來的已經覺得好奇怪！因為我以前買的金蠔是一隻隻、似生蠔一樣、只不過是比新鲜蠔乾一點、略帶有一點微黃色，同佢講，我買嘅唔係咁樣，佢仲死口話金蠔係咁；叫我買少少去試一試，一向耳仔軟的我、就幫襯少少，回家一試就知錯，因為同蠔豉冇甚分別，唯一有分別就是比蠔豉貴得多，好在我都買得唔多，損失只是一些金錢還有帶點失望而以，所以我日後都會終於自己不再輕信他人。