南山陳皮話梅骨

南山陳皮話梅骨

 

 

 

 

 

 

 

 

 

 

 

 

 

 

 

 

一款好吸引我去做的菜式，南山陳皮話梅骨 正如其名用上陳皮及話梅去做；

先前我有點擔心，其一是較早時一些對醃製的零食負面報告，話梅是其中之一－，其二是怎樣決定材料用量？我反覆試著覺得這個份量最為合適，講到食味：食味跟話梅豬手相似，酸酸甜甜真不錯，雙比下呢款話梅骨還帶有一種香料美味。

而做這款菜最好用細的易潔煲去做、因為加入香料水，份量唔多；剛蓋過面去燜煑，完汁完美，正好送飯。

 

材料：

腩排一條半、話梅10粒、陳皮ｌ個、甘草(細片4片) 、草果１個(略拍開)

桂皮1小塊、冰糖１粒、紹興酒1小蓋。

 

醃腩排用：

1. 鹽半茶匙、砂糖1茶匙、粟粉1茶匙、醃約2小時。

2. 話梅、陳皮、甘草、草果、桂皮加水250cc蓋上保鮮膜蒸1小時、其間水滾後轉極細火。

3. 燒熱少許油放入腩排爆至金黃灒1小蓋紹興酒，加入蒸過話梅水及冰糖、老抽1湯匙、水滾後轉極細火炆至軟腍，取出排骨，將餘下汁略煑，試味後淋上排骨即可。

 

 

註：

今次切腩排切得較薄，應該切厚些好一點。

 

 

 

 

酸梅鴨

酸梅鴨

 

 

 

 

材料：

1.米鴨半隻

2.酸梅4至5粒壓開，取去核

3.甜麵豉醬約1湯匙半

4.冰糖約80g

5.薑4片

6.乾葱頭2個切片

7.蒜茸2茶匙

8.紹興酒1湯匙

 

做法：

先將鴨清洗乾淨；將鴨掌剁出，抹乾塗上老抽，待半小時。

燒熱少許油，放入薑片、乾葱片、蒜茸、酸梅、麵豉醬、冰糖煑至冰糖溶解盛起。

燒熱少許油，放入鴨略爆至鴨皮上色，盛起放蒸碟上。

將炒好醬料加入鴨中，再加入1湯匙紹興酒完全拌勻；蓋上保鲜纸，(記得留下一個開口) 唔好完全蓋密。

燒熱水，放入鴨蒸約1小時。

取出鸭，將鴨汁倒出，鴨放涼切件；汁回鑊收煑到濃稠淋上鴨件上。

如喜歡可放少許葱絲，芫茜作裝飾。

 

註：

今次用半隻鸭去做，做出效果比煑嘅好，肉質較嫩。

蒸好鴨，妳會見到碟上好似較多汁水；但只要回鑊收汁就可，無須驚會否味道不夠，一切收汁後再決定。

法式洋葱湯

法式洋蔥湯

 

 

 

材料：

洋葱5個

煙肉4片

月桂葉約3至4片

白餐酒(細)1支

牛油1小塊

蒜茸２茶匙

上湯適量(可用牛肉湯或清雞湯) 如果都無！可用水替代。

 

做法：

1.煙肉用少許油略爆，加入適量水煲半小時至湯汁帶少許白。

2.洋葱去皮切絲。

3.燒熱鍋加少許油，放1小塊牛油，加入蒜茸、洋葱絲，爆至蕉黄糖色。

4.將煲好煙肉湯，加進炒軟洋葱内，(煙肉取出不要) ，加入香葉及適量上湯及白餐酒煲，最後試味。

 

註：

1.如果所加入是上湯，就不用加入太多調味料去調教湯味。

2.如果加入是清水，就用牛肉湯粒及少鹽調教湯味。

3.上湯時可加入適量香草及芝士粉；這樣更能提升湯香味；配上蒜味香草包

更是味美。

 

 

酸甜排骨

 

 我覺得酸甜排骨除咗要夠脆外，一定要夠酸夠甜才好食，所以除咗要注意油温外，仲要調一個合適酸甜汁。

 

酸甜排骨

 

 

材料：腩排、 青、紅椒、 菠蘿、 洋葱 、蒜蓉。

醃料：生抽 、糖

酸甜汁料：白醋2湯匙、喼汁１湯匙、茄汁３湯匙、砂糖４至５茶匙，將汁料放碗飯內；

                    加水至飯碗九成滿。

 

煑酸甜汁：

燒熱少許油，加入少許蒜茸爆香加入調好汁料煑滾後埋芡備用。

 

做法：

 

1.將腩排洗淨抹乾放入醃料。

    2.醃好後的排骨把多出來的醃料倒掉。

    3.用蛋白加入醃好排骨拌勻；取出排骨。

    4.取出後的排骨放入膠袋加入自發粉或生粉內搖勻直至每個排骨都沾上粉。

    5.燒熟油，慢慢放入排骨；將火轉至中火炸至排骨金黃色盛起。

    6.燒熱油鑊下少許油；放入蒜蓉、青、紅椒炒一炒加入炸好排骨、灒酒於鑊邊熄火，再加入菠蘿跟酸甜汁快兜即可。

 

     註：

1.      今次同上次做法一樣只是用上自發粉而並非生粉，炸好排骨表面較脆，

      所以加入酸甜汁快炒效果會更好。

2.而在鑊邊灒酒；主要是另到做出來酸甜排骨更能增潻一份酒香味。

3.而另一樣就是選擇用菠蘿我會選用( SW ) 呢款菠蘿無地捫咁甜、所以當配上酸甜汁時就無咁搶味，我覺得唔差，不妨一試。

 

 

 

 

 

 

 

 

 

 

 

 

 

 

 

 

 

 

 

 

廣西玉林夏至荔枝狗肉節！

收到朋友訊息，2014 06.21. 廣西玉林夏至荔枝狗肉節！
我希望多些人能正视有關狗肉節問題。狗對一些人來講不單是朋友，有些更視為自己兒女看待，喺現今講文明世界；怎可只講不做！現今美食多不勝數，食少幾樣又如何？
再講有一些所謂自己 放養，自已有場養貓、狗；究竟佢哋食嘅又係怎樣食物？
記得有一年跟朋友返中國，係街市見到一籠籠貓、狗放養在連轉身也難小籠，身邊放有一碗發酸臭食物，我見到，除此感到難過、心酸外，更感覺到呢Ｄ人真係好無人性，你要將佢成為刀下檢錢材料，何不善待佢最後一時三刻！更甚單為蠅頭之利不適損害人健康，而撿取到盡！唉可悲。
(好此道嘅人，你哋又是否應該反思一下，過去幾多人因為食野味而失去生命？)
為咗小小所謂口福值得嗎？(希望大家支持一下，呼吁停止這不人道，不文明食法)
放下屠刀，立地成佛。你可以不愛貓、狗，但請不要傷害牠。

 

薑味照燒雞翼

 

 

 

 

 

 

 

 

 

 

 

 

 

先前買咗一支照燒汁用來炒油麵超正呀，但用剩咗，想炒多一次又唔夠，

放埋一面先又唔想，所以決定用來做個照燒雞翼；呢個醬汁原本已經好好味，

但用來醃雞翼我略覺又有所不足，因此我稍加多一點點就做岀呢款雞翼。

好簡單但好美味，尤其是雞蘸上汁醬、加埋炸過薑絲一齊食，妳會食到薑嘅香味而不是辣味。

 

薑味照燒雞翼

 

材料：

雞翼一磅、薑片切幼絲適量、薑汁2茶匙、蒜子二粒。

 

調味：

照燒汁3湯匙、砂糖2茶匙、味醂1湯匙、薑汁約2茶匙。

(醃過雞汁料留起) 用作收汁。

 

做法：

1.   將雞翼洗淨抺乾水份加入調味料最好醃一晚，最少8小時。

2.   蒜子切片備用。

3.   薑絲放入熱油略炸盛起備用。

4.   燒熱易鍋下少許油，放入雞翼表皮向下煎至金黃，再反轉另一面煎；此時加入預先切好蒜片一起煎香，再加入醃過雞醬汁一同煮至收汁即可。

5.   將雞翼上碟，再放上炸好薑絲即可。